Simona Lobina: "Donai traballu a is operajus de s'ex miniera po bonificai su logu

(IlMinuto) - Casteddu, 9 de su mes''e marzu - "A pustis de sa serradura de sa miniera de oru de Futtèi e de sa cassa integrazioni po is operajus chi trabballànt ingunis ddoi est s'arriscu grai   de unu sciàsciu po s'ambienti". Est cantu denunciat unu documentu presentau in su Consillu provinziali de su Campidanu de Mesu. Sa primu firma est cussa de Simona Lobina, s'esponenti de Rifondazione comunista.
Su documentu ispiegat ca "ddoi est un'arriscu sériu chi su cianuru, s'arsenicu e ateras sustànzias possant impestai s'arriu Miali, impari a is bacinus e a is cundotas chi portant s'àcua a su Campidanu a in Casteddu". Is consilleris proponint duncas de bonificai su situ e de anticipai su sciàsciu de s'ambienti, faendi diventai is operajus de sa ex miniera is traballantis de sa bonifica, personas chi finzas a oi ant atèndiu a sa seguresa de s'impiantu e "funt is unicus a podi garentiri ca s'operazioni de bonifica possat essi fatta beni".

Ligi su documentu:

http://www.ilminuto.info/notizia.php?id_notizia=1966