Saremar: traballantis a facc''e su Consillu po nai no a sa cuncessioni a is privaus

(IlMinuto) - Casteddu, 18 de su mes''e marzu - Turnus de traballu de prus de 14 oras, diminuimentu continu de is traballantis, precarius chi abetant sa "stabilizzazione" de 20 annus. Funt custas is cundizionis de traballus de is addetus de sa Saremar segundu cantu denunziat su sindacau Filt Cgil. Custu mangianu is traballantis de sa Saremar, chi garentint is collegamentus cun Carluforti e Sa Madalèna ant a manifestai a facc''e sa sedi de su Consillu regionali, in Casteddu, po nai no a sa béndida de su 51 po centu de s'azienda a is privaus. Cuncessioni chi - ispiegant - iat a pònniri a arriscu sa calidadi de is serbízius e is postus de traballu.
Sindacau e traballantis pedint a sa Regioni de uniri sa Saremar a sa "divisione di navigazione" de s'"Azienda regionale sarda trasporti". "Scéti aici - est nau in d'una nota - is citadínus de Sa Madalèna e Carluforti iant a tenni sa seguresa de podi usai is collegamentus púbblicus e at essi difendiu su traballu".
"Eus pediu prus de una borta un'atóbiu cun s'assessori regionali de is 'Trasporti' - ispiegat su segretariu regionali de sa Filt Cgil Sandro Bianco - ma no eus tentu nesciuna arrespusta, scéti calincunu cuntatu".