Sardigna: 36 mortus in su logu de traballu in su 2009 (+30,5%), 60 personas chi si funt ingotas dognia 24h. Matta (Cisl): "Pagus aziendas funt in régula"

(IlMinuto) - Casteddu, 26 de su mes''e marzu - In Sardigna is mortis in su logu de traballu sighint a cresci, si puru ddoi funt disimpreu e crisi economica. In su 2009 funti stetius difatis 36 is sciascius mannus chi ant portau mortis, cun d'un'aumentu de su 30,5 po centu si cunfrontau cun is númerus de su 2008. 17.013 funti stetias is personas chi si funt ingotas po mori de su traballu: 60 a sa diri, 2,5 a s'ora. Est custu su cuàdru disignau de is esàminus chi funti stetius presentaus de Cgil, Cisl e Uil in su cursu de s'ascurtu de sa "Commissione sicurezza" de su Consillu regionali, in is diris passadas.
"Oi - at nau Giovanni Matta de sa Cisl - sa política de su traballu est un'iscera. Difatis tra 496 aziendas asuta de esamini 400 no funt in régula. Un'atera cosa chi distinghit sa Sardigna - at precisau - est ca una parti meda manna de is tragédias mortalis acadessint "in itinere". Est a nai ca si morrit sempiri de prus andendi a traballai".