Sanidadi: in su THotel unu cunvegnu po chistionai de is pipius nàsciu "Sga"

(IlMinuto) – Casteddu, 19 de su mes''e marzu - "Il bambino nato Sga: dalla genetica alla terapia con Gh". Est custu su títulu de su cursu po s'annoài, cursu in programma cras in Casteddu (THotel, 8.30) aprontau de su Serbíziu de "Endocrinologia pediatrica" de su Microcitemicu.
"Is criaturas piticas po s'edadi de impringiamentu - ispiegat una nota de sa Asl - funt a arriscu de arragus no scéti in su períodu "perinatale", ma puru in s'infànzia e in s'edadi manna. Tra custas funt de signalai su nùmeru prus mannu de maladias a su metabolismu, comenti sa rassària, sa callidesa, s'intolleranza a su glucosiu. Casi su 10-15 po centu de is criaturas Sga, no presentat su recúperu de s'aumentu de su pesu e de sa mannària, e abarrant bàscius puru candu funt mannus".
"Unu nùmeru mannu de istudius fattus de pagu tempus - precisat su comunicau de sa Asl - at dimustrau s'eficàcia de sa cura cun s'ormoni de s'acrescimentu po ammellorai sa mannària difinitiva de custus malàdius".