Sa crisi niedda de sa massaria. Sa Provìnzia de su Campidanu de Mesu acusat "sa Regioni chi est surda e muda"

(IlMinuto) – Casteddu, 23 de su mes''e marzu - Su calu de su 25,3 po centu de is rédditus de is massajus, s'aumentu de is prézius de 8,5 puntus e de su diminuimentu de sa produzioni de su 5,5 po centu (cun d'unu  -39 de su trigu) - is nùmerus Ismea - faint de su 2009 s'annada prus difícili de is ùltimus trint'annus po sa massaria italiana e sadra. Est cantu narat cun d'unu comunicau sa Provìnzia de su Campidanu de Mesu. S'enti acusat sa política de sa massaria regionali, definia "fantàsima".
"Est necessàriu - si podit ligiri in d'una nota - un'agiudu istraordinàriu po sa massaria sadra, un'agiudu po no fai morri s'economia. Mentris sa Regioni abarrat surda e muda is provìnzias bollint su progetu 'Vivere la Campagna', creau cun fatiga de sa provìnzia de su Campidanu de Mesu".
S'unicu datu de s'arruta de su 39 po centu de sa produzioni de su trigu - acrarat su comunicau de sa Provìnzia - "cumprovat ca iat essi stetiu su casu de agiudai cun risorsas giudiziosas su progetu 'Vivere La Campagna', ma sa barrosia de una política regionali, anemiga de is massajus e de is pastoris, at fattu de totu po evitai su cunfrontu."

Po ndi sciri de prus de su progetu "Vivere la Campagna":
http://www.provincia.vs.it