Rossomori: si chistionat de elezionis provinzialis e acórdius in su primu atóbiu de su Consillu nazionali

(IlMinuto) - Casteddu, 15 de su mes''e marzu - Ita ant a fai is Rossomori po is elezionis provincialis de su mes''e maju? At essi custu su tema de s'odg de su primu atóbiu de su Consillu nazionali de is sardistas de sinistra, in programma sàbudu chi benit in s'Auditorium de Bilàrtzi (15.30).
Is Rossomori ant giai nau in prus de un'ocasioni de no bolli fai acórdius cun su Psdaz (chi fait parti de sa majoria regionali de centrudestra).
"Cussu chi depint fai is síndigus e is presidentis de is provìnzias - si podit ligiri in d'unu documentu - depit essi garentiri sa coerénzia politica cun su cuadru de is acórdius".