Rossomori: debressi sa "municipalità" po Flumini

(IlMinuto) - Casteddu, 26 de su mes''e marzu - Otèniri s'arreconnoscimentu de sa "municipalità" po Flumini e po su litorali de Cuartu Sant'Alèni, unu territoriu aundi bivint circa 20milla personas. Est custa una cosa meda importanti po su círculu "Eliseo Spiga" de is Rossomori a pagus mesis de is elezionis comunalis in sa terza citadi de sa Sardigna. Po is sardistas de sinistra de Cuartu "sa democrazia depit essi sa basi de su guvernu de sa comunidadi".
"Is Rossomori de Cuartu - si podit lígiri in d'una nota - pensant ca is chistionis e is bisóngius de cussa parti de su territoriu cuartesu depant essi guidaus cun atenzioni magiori de sa 'municipalità' e de is personas residentis".
"Sa 'municipalità' - acrarant - est seguramenti unu strumentu nou po fai in modu ca is citadinus participint a sa vida de sa comunidadi, po fai progetus po su territoriu, po s'isvilupu de cuss''e totu, contemporaneamenti cun is bisóngius de is cuartesus".