Presonis. Sdr (Caligaris): "Tra pagu tempus s'obertura de unu repartu chi at a aghilliri is presoneris de Is Mirrionis"

(IlMirrionis) - Casteddu, 30 de su mes''e marzu - "At essi ativau in is cidas chi benint su repartu de s'ispidali de Is Mirrionis aundi ant a agatai acasàgiu is presoneris chi funt in cundizionis de saludi gravis o chi tenint s'abbisóngiu de essi ricoveraus in ispidali primu o a pustis de un'operazioni". Ddu narat Maria Grazia Caligaris, presidenti de "Socialismo Diritti Riforme". "Su 'Provveditorato regionale dell'Amministrazione Penitenziaria' - acrarat s'esponenti socialista - at otentu de afortiai su personali de sa seguresa chi at a permítiri de donai cumenzu a su 'repartixeddu'".
"S'obertura de su repartu de Is Mirrionis - aclarat Caligaris - arrespundit a un' abbisóngiu chi est meda apretosu po mori de sa presénzia in is presonis sadras, e mascamenti in Buoncammino, chi tenit unu centru crínicu, de presoneris chi no tenint maladias gravis".