Presonis. Caligaris (Sdr): "Catgiu fiamenti in Sardinia a pustis de 20 annus"

(IlMinuto) - Casteddu, 25 de su mes''e marzu - "A pustis de 20 annus passaus in is presonis de diversas citadis de continenti, Francesco Catgiu est fiamenti torrau in Sardinia e est asúta de osserbassioni in su 'Centro Clinico' de Buoncammino". Ddu narat cun d'una nota Maria Grazia Caligaris, presidenti de s'associazioni "Socialismo Diritti Riforme", a sa fini de un'acraramentu in presoni cun s'orgolesu chi tenit un'istoria umana e de saludi de sa cali s'est chistionau prus bortas in is últimu annus.
"Catgiu - narat Caligaris - esti stetiu portau de Secondigliano abbia de Scampia po boluntadi de su Capu de su "Dipartimento" Franco Ionta chi, po arrespusta a una dimanda de s'associazioni de su mes''e maju de s'annu passau, precisat sa cundizioni de su presoneri".
Sa presonia de Catgiu esti stetia portada de s'Alta seguresa 1 a s'As3. "Est su primu passu - acrarat s'esponenti socialista - po ddu fai cunsiderai comenti unu presoneri communu a pustis de 26 annus de presonia.