Pranus de assistu: proposta de lei Espa po aumentai de 1000 eurus is finanziamentus a dognia progetu chi aesti stetiu imminoricau de parti de sa Giunta

(IlMinuto) - Casteddu, 4 de su mes''e marzu - Marco Espa no si donat po bintu. Su consilleri regionali de su Partito Democratico sighit sa lota contra a su dinai liau a is pranus de assisttu po is personas diversamenti àbbilis de sa lei 162 de su 1998.
Espa at a presentai a s'assembrea de su pópulu sadru una proposta de lei cun d'un'artículu scéti, chi narat: "Po aumentai is finanziamentus previdius de sa delíbbera de sa Giunta Regionali n. 55/33 de su 16 de su mes''e paschixèdda de su 2009 funti stetius donaus  28.351.000 de eurus in prus chi ant a aumentai de 1000 eurus dognia pranu giai aprovau e finanziau".