Porcu (Pd). Sa Regioni lotit contra a su mostru eolicu in su Golfu de Casteddu

(IlMinuto) - Casteddu, 3 de su mes''e marzu - "Unu mostru de 33 turris de 120 metrus, dognuna asuba de una subrafaci de 10 millionis de metrus cuadrus, cun d'unu tuvu chi passat asuta de su mari e arribbat in cittadi in sa praja de Giorginu, no est un'òpera chi po essi firmada podit essi lassada scéti a sa voluntadi bona de is amministrazionis de su territoriu e de is comitaus chi funt nascendi a solus de ora in ora". Est cantu narat su consilleri regionali de su "Partito Democratico" Chicco Porcu cumentendi su progetu de sa "Trevi Energy" de Cesena po su litorali tra Casteddu e Pula. "Sa Regioni Sardigna - narat Porcu - tenit totus is istrumentus po fai calencuna cosa, cumbatendi cun sa giustìzia e faendi balli is cumpetènzias suas a facc''e su Guvernu nazionali. Comenti at cunfirmau de pagu tempus sa senténzia n. 88/2009 de sa Corti Costotuzionali, candu dd'at essi disacòrdiu de parti de is comunus, sa cumpetènzia at a passai in manu a sa Regioni". "Su Consillu regionali - arregordat su rapresentanti de su Pd - at giai fattu sa parti sua, donendi unu mandau prenu a sa Giunta e declarendi, cun sa lei regionali 4 de su 2009, su mari de sa Sardigna unu beni de su paesaggiu".