"Piano Casa": Sdr aprontat unu dibbatidu cun s'assessori Asunis

(IlMinuto) - Casteddu, 15 de su mes''e marzu - "Piano Casa: una risposta, tante domande": est custu su tema de s'atóbiu-dibbatidu aprontau de s'associazioni "Socialismo Diritti Riforme", guidada de Maria Grazia Caligaris, po fai connosci a is citadinus e a is amministradoris is novidadis de su programma po mellorai is citadis e is territorius aradroxus de sa Regioni Sardigna. S'atóbiu, chi s'at a tenni gióbia 18 de su mes''e marzu, a is 17, in sa saba "Venere" de s'Hotel Mediterraneo de Casteddu, at a portai a un'atóbiu cun s'assessori regionali de s'"Urbanistica" Gabriele Asunis. Po s'iniziativa funti stetius imbitaus is rapresentantis de s'"Urbanistica" de is Comunus de s'hinterland.
"A sa fin''e sa primu fasi de s'iter de apróu de su disignu de lei de sa Giunta regionali po su 'Piano Casa' - at nau Caligaris - eus pensau de fai su puntu de sa cosa e de cumprendi cali funti stetias is soluzionis sceberadas po calincuna chistioni chi in custus mesis ant portau a una cundizioni chi no si movit po nudda".
"In su spíritu de s'associazioni, s'atóbiu - at acabbau sa presidenti de SdR - tenit comenti fini s'isceda po fai claresa. Est destinau a is ténnicus, ma prusatotu a chini est interessau a connosci is diritus e is doveris necessàrius po essi citadinus informaus".