Master and Back. Su Comitau a s'assessori de su "Lavoro" Manca: "S'órdini pubblicu no est in is cumpeténzias nostras"

(IlMinuto) – Casteddu, 16 de su mes''e marzu - Su Comitau Master and Back dennegat su chi at nau s'assessori de su "Lavoro" Franco Manca - pubblicau ariseru in su situ de sa Regioni Sardigna - po su serbíziu de assistu a is candidaus M&B. Centinas de personas in fiba a facc''e sa sedi de s'"Agenzia regionale del Lavoro", in Casteddu, tra domìnigu e lùnis, cun s'obbietivu de portai is dimandas po is back. Segundu s'esponenti de sa Giunta Cappellacci su serbíziu de assistu iat essi stetiu "concodrau cun su Comitau Master and Back". Is interessaus no cunfirmat su chi narat Manca: "Su Comitau Master and Back - si podit ligiri in d'una nota - no s'est ocupau de sa gestioni de s'órdini pubblicu, biu ca no est in is próprius cumpeténzia".