A Manca in cungressu. S'organizazioni puntat a su "rexinamentu in is comunidadis"

(IlMinuto) – Casteddu, 24 de su mes''e marzu - Terzu cungressu nazionali po A Manca pro s'Indipendentzia. S'organizazioni comunista e indipendentista donat apuntamentu a is iscritus "militantis" po su 27 e su 28 de su mes''e marzu in Nùgoro, in sa sedi de via Aurelio Saffi. Is militantis - acrarat in d'una nosta su Diretivu políticu nazionali - "ant essi impignaus a fai su bilànciu críticu de is atividadis chi si funt tentas a cumenzai de su mes''e argiolas de su 2008 (data de s'últimu cungressu) e a discútiri is diversas propostas cungressualis e is contribbutus chi benint de s'area de is iscritus "sustenidoris". In is annus chi benint s'organizazioni puntat a costruiri "unu cuncretu rexinamentu in is comunidadis de su progetu socialista e indipendentista de scioberu democraticu, unu progetu diversu de su sciàsciu chi s'ant impostu 150 annus de zerachia economica, giuridica, política e culturali italiana", chi fazat diventai operativa "sa línia anticolonialista 'de is citadis a is periferias'".