Isciòpiru Eurofly: su Prefetu abbisat is partis

(IlMinuto) – Casteddu, 3 de su mes''e marzu - Sighit sa protesta de is traballantis de sa Meridiana Fly in s'aereoportu de Terranòa . Po mori de s'isciòpiru de is traballantis de sa cumpangia nàscia de sa fusioni tra Meridiana e Eurofly funti stetius giai scancellaus cuatru bolus e si funt berificaus tardamentus puru de ses oras. Po evitai de frimmai totu s'atividadi, Eurofly at decidiu de nolegiai aereus e echipàgius de ateras cumpangias: nova chi at provocau sa reazioni arrabiosa de is traballantis.
Po circai de torrai a oberri su diàlogu tra is partis su prefetu de Tàtari, Marcello Fulvi, at convocau is sindacaus e s'azienda po cras a mangianu a is 12.00 in Prefetura.