Elezionis provinzialis. Caligaris (Sdr): "Arriscu de sparessimentu po is féminas a sa guida de is alleànzias"

(IlMinuto) – Casteddu, 23 de su mes''e marzu - "Abetendi chi bengat decidia sa data po su rinnou de is consillus provinzialis, in Sardigna si bidi una cosa importanti: su scassu avaloramentu de sa rapresentanza de genia". Est cantu afirmat cun d'una nota Maria Grazia Caligaris, presidenti de s'associazioni Socialismo, Diritti e Riforme. "In is duas filas - acrarat s'esponenti socialista - is féminas candidadas a sa guida de is Giuntas no scéti arriscant de essi de mancu, ma arriscant addiritura su sparessimentu".
"Imbecis de sighiri in s'istrada de sa paridadi in sa rapresentanza de genia in dognia logu delíbberativu, is responsàbbilis de is partidus in Sardigna manifestant - precisat Caligaris - una singulari forma de onnipoténzia. Espressant senz''e dúbbiu sa bolontadi de candidai a sa Presidenza de is Giuntas de is otu Provìnzias a sa guida de is principalis citadis scéti óminis".