Domu: su Tar blocat is permissus de su Suap po costruiri domus. Sdr: "Afuscu po un'argumentu delicau"

(IlMinuto) – Casteddu, 16 de su mes''e marzu - Su Suap no podit donai permissus in matéria de domus. Est cantu at stabbiliu su Tar de sa Sardigna annullendi su permissu nùmeru 90 de su Suap de su 9 de mes''e cabudanni de su 2008, donada de su Comunu de Altzaghèna. Ddu narat cun d'unu comunicau su presidenti de s'associazioni "Socialismo Diritti Riforme", Maria Grazia Caligaris. S'associazioni at promòviu po gióbia 18 de su mes''e marzu (17.00, Casteddu, Hotel Mediterraneo) un'atobiu dibbatidu po chistionai de "Piano Casa: una risposta, tante domande".
"Custa decisioni - ispiegat Caligaris - arriscat de fai cresci s'afuscu po sa chistioni domu, una chistioni meda delicada, e at a tenni recaidas malas po su "‘piano casa’".
"Is dimandas presentadas a su Suap - concluit Caligaris - po sa chistioni domus, no ant a podi essi pigadas in cunsidériu e no ant podi essi donaus nemmancu is permissus. Funt difatis cupetentis scéti is ufícius de s'assessorau a s''Urbanistica'".