Diritu a sa domu: prelongau a su 13 de su mes''e arbili su sbarazzu de sa família Giordi. In 70 a su presidiu de solidariedadi

(IlMinuto) – Casteddu, 2 de su mes''e marzu - "Esti stetiu prelongau a su 13 de su mes''e arbili su sbarazzu de sa família Giordi in Santu Juanni Sruexu. Su médicu, chi acumpangiat s'uficiali giudiziariu, at istabbiliu ca is cundizionis de saludi de su sior Virgilio - chi est in carrozina po mori de un'ictus a su ciorbedu - no podint permiti su sbarazzu. Sa domu - posta in bindita a s'asta po mori de is dépidus de s'azienda familiari - esti stetia pigada po pagu dinai, de chini, finzas a immoi, no at tentu coru po is cundizionis de vida de sa família Giordi. Custu mangianu funti stetias assumancu 70 is personas chi ant manifestau sa própriu solidariedadi a sior Virgilio e a sa família sua cun d'unu presidiu de solidariedadi a facc''e domu. Tra custa genti ddoi furiat puru unu gruppu de militantis de s'Irs, guidau de Gavino Sale, e Mario Flore, chi po primu at signalau sa cosa in Facebook. No ddoi furiat, in veci, s'amministrazioni comunali de Santu Juanni Sruexu.

(Ringraziaus  Antonello Tiddia, "Il minatore rosso", po s'agiudu)