Decretu "salvaliste". Pes (Pd): no esti stetiu arrespetau s'artículu 1 de sa Costituzioni

(IlMinuto) – Casteddu, 10 de su marzu - "Su decretu lei aprovau de su Guvernu po torrai a fai curri is listas iscabbullias de su cussurtu eletorali rapresentat una clara ausenzia de arrespetu de is fundamentus democraticus de s'Italia, un'atu de prepoténzia e de arrogànzia consumau in su prus su mannu malisprésciu de is arrégulas chi dognia citadinu, ma meda de prus dognia rapresentanti istituzionali, est lamau a arrespetai". Est cantu afirmat in d'una nota sa parlamentari sadra de su "Partito Democratico" Caterina Pes. Segundu s'esponenti democratica su decretu est "unu perigulosu precedenti chi at a arruinai po sempiri sa democrazia".
"Su decretu 'salvaliste' - precisat - difatis no cuncordat cun su principali baluardu de sa Repúbbrica nostra, s'artículu 1 de sa Costituzioni, chi
narat ca sa soverania est de su pópulu, chi 'la esercita nelle forme e nei limiti della Costituzione'".