Decretu "salva liste": su centrusinistra (de su Pd a su Prc) in prazza in Casteddu e in Tàtari po "nai no a is trampas"

(IlMinuto) - Casteddu, 12 de su mes''e marzu - "Po sa democrazia, s'arrispetu de sa lei e su traballu. Sì a is arrégulas, no a is trampas". Cun custus iscopus is forzas polìticas de su centrusinistra ant a manifestai cras in Casteddu (prazza Carmine, 16.00) a in Tàtari (16.00, prazza Italia). Po sa manifestazioni contra a su "salva liste" ant addiriu su Pd, s'Idv, sa "Federazione della Sinistra", "Sinistra Ecologia e Libertà", Su Psi, Is Verdi, is "Repubblicani europei", Is Rossomori e medas ateras associazionis.
"Cosas foras de contu e senz''e un'istória passada - si podit ligiri in d'una nota firmada de is forzas chi ant addiriu a sa manifestazioni - funt ponendi in perígulu is fundamentus de su bivi civili in su stadu nostru. Cun d'un'azioni senz''e torrada, de sa cali est responsàbbili dessintótu, su guvernu at modificau is arrégulas de is elezionis po garentiri sa parti polìtica de cuss''e totu. (...) Est su momentu de pigai cuscénzia, de un'arrempellada de sa democrazia".