In Cuartu Sant'Alèni arribbat su mercau de sa cosa bécia chi podit agatai un'ateru impiegu. "Chinisisiat agatit calincuna cosa de útili si dda podit pigai, senz''e dda pagai"

(IlMinuto) – Casteddu, 15 de su mes''e marzu - Unu mercau aundi no ddoi est manígiu de dinai, aundi chinisisiat podit portai cosas chi si podint ancora usai e podit pigai senz''e pagai calincuna cosa chi ddoi est e chi ddi podit essi utili. Est custa s'idea chi movit su mercau libberu e garentiu de sa cosa bécia chi podit agatai un'ateru impiegu "Reinventare la Piazza - Percorso di rigenerazione partecipata verso la sostenibilità": custu càmbiu s'at a tenni sàbudu chi benit in Cuartu Sant'Alèni in prazza IV Novembre, de is 11.00 a is 13.00.
"Chinisisiat agatit calincuna cosa de útili - si podit ligiri in d'una nota - si dda podit pigai, puru senz''e lassai nudda". Si podint portai e pigai liburus, fumetus, cd, dvd, giogus, eletrodomesticus piticus, cosas po arredai, froris e matas, cannacas e cosas de aici, chincallería e ateras cosas.
"S'obbietivu de s'eventu - ispiegant is aprontadoris - est cussu de liai medas cosas útilis a su ciclu de is arrefudus, donendi a dognia cosa sa possibbilidadi de agguantai su própriu balori, in raportu a s'usu chi tenit e a su disígiu chi movit su scioberu".