"Cento passi, verso il 21 marzo". Su caminu contra a sa màfia de "Libera" e "Sardegna Solidale" tra is giòvanus de s'Isola

(IlMinuto) – Casteddu, 10 de su marzu -  Is inzénnerus nous ant essi is protagonistas in sa lota a sa màfia. Cun custa cunvinzioni "Libera Sardegna" e "Sardegna Solidale" promovint "I cento passi, verso il 21 marzo": una fibera de apuntametus in su territoriu po nai no a su mali mandiadori de sa criminalidadi organizzada abetendi sa diri dedicada a s'arregordu de chini at perdiu sa vida po cumbàtiri "cosa nostra". Su progetu bidit sa participazioni de totu sa Sardigna. Tàtari, Assèmini, Biddexidru, Nùgoro, Macumère, Pèifugas, Igrèsias, Gonnos, Utieri e Casteddu funt scéti calincuna de is firmadas previdias.
Cras in Macumère ((9.00, Istitutu Ténnicu Cumérciali) est in programma sa proiezioni de "I cento passi", film chi chistionat de Peppino Impastato, protagonista de sa campagna contra a sa màfia bociu su 9 de su mes''e maju de su 1978. Sàbudu 13 de su mes''e marzu at essi in veci su turnu de Pèifugas, chi at a aghilliri su dibbatidu "Educare alla legalità: costruire una società inteculturale e multietnica". A is duus apuntametus at a participai su testimonial Pino Tilocca, de "Libera Sardegna".
Su caminu s'at a concluiri su 20 de su marzu in Milanu cun s'atóbiu chi tenit comenti tema "Legami di legalità, legami di responsabilità", in cust'ocasioni ant essi presentis puru unu grupu de istudiantis e volonteris de s'Isola.