Catalogna: su 92,4 po centu de is votantis narat sì a su referendum líbberu po s'indipendenzia de sa Spagna

(IlMinuto) – Casteddu, 5 de su mes''e marzu - "Ses de acórdiu chi sa Nazioni Catalana diventit unu Stadu de Diritu, Indipendenti, Democraticu e Sociali, insertau a s'Unioni Europea?".
Est cantu naràt su referendum líbberu de domìnigu passau, unu referendum chi at biu unu nùmeru de votantis meda artu, po su cali su 92,04 po centu de is participantis a su votu at nau sì: su 21,7 po centu de sa populazioni de 80 comunus de sa Catalogna. S'indipendentismu catalanu fait duncas unu biaxi de passus ainnantis; custu bidit s'interessu de is controlloris internazionalis de sa Sardigna chi furiant presentis po s'istoricu cussurtu: Gavino Sale de s'Irs e Claudia Zuncheddu de is Rossomori (scuadra chi cras a mangianu in Casteddu at a bivi sa própriu assembrea costituenti).
"Oi, prus de sempiri, - declarat Claudia Zuncheddu - est importanti ca sa Sardigna e totus is forzas indipendentistas, progressistas e indentitarias puntint is próprius ogus in su 'processu' chi est afermendusì in Catalogna". "Sa nazioni de sa Catalogna - precisat s'esponenti sardista de sinistra - bollit su diritu a sa própriu soverania e si presentat comenti 'leader' in Europa de unu caminu de autonomia. Po custu esti stetiu meda importanti su consillu pópolari de su 28 de su mes''e fiàrgiu.