Arregordendi Angelo Caria. In Nùgoro sa presentada de "Poesie"
(IlMinuto) – Casteddu, 23 de su mes''e marzu - Torrai a atressai sa vida de s'ómini e de su políticu Angelo Caria atressu is poesias suas. Cun custu intentu sàbudu 27 in Nùgoro (18.30, auditorium de s'Iscola media "Maccioni") s'at a tenni sa presentada de su liburu "Poesie", a pustis de 14 annus de sa morti de s'autori.
"In is poesias suas - acrarant is aprontadoris de s'eventu - benit espressau cussu chi at distintu sa vida de Angelo, est a nai: is scioberus de vida, s'arràbiu po sa diferénzia, sa gana de indipendenzia e de soverania de su pópulu sadru".
Sa pubblicazioni bollit donai su cumenzu a unu dibbatidu prus mannu e cumplessu chi donit s'importu chi meritat a sa figura de Caria cun "d'unu balori giustu po s'acrescimentu de su dibbatidu políticu de sa Sardigna in sa segunda metadi de su Noixentus". Is poesias de Caria ant essi ligias de Giovanni Carroni de sa cumpangia Boketeatro.
"In is poesias suas - acrarant is aprontadoris de s'eventu - benit espressau cussu chi at distintu sa vida de Angelo, est a nai: is scioberus de vida, s'arràbiu po sa diferénzia, sa gana de indipendenzia e de soverania de su pópulu sadru".
Sa pubblicazioni bollit donai su cumenzu a unu dibbatidu prus mannu e cumplessu chi donit s'importu chi meritat a sa figura de Caria cun "d'unu balori giustu po s'acrescimentu de su dibbatidu políticu de sa Sardigna in sa segunda metadi de su Noixentus". Is poesias de Caria ant essi ligias de Giovanni Carroni de sa cumpangia Boketeatro.
© RIPRODUZIONE RISERVATA