Apretu razismu: frasis de ódiu in su grupu Facebook chi pedit s'isbarazzu de su campu Rom de sa 554

(IlMinuto) - Casteddu, 8 de su mes''e marzu -  "Zingari di Cagliari, fateci l'elemosina: andatevene". Est custu su títulu de su grupu Facebook chi bidit 421 iscrittus chi pedint a su "síndigu Floris de fai unu  pregoni (ndr: is amministradoris de su grupu no connoscint s'impleu de s'apóstrofu) po s'isbarazzu de su campu Rom" de sa 554. "Custu - ispiegant is promotoris - no bollit essi unu grupu razista ma una simpli azioni politica po fai cumprendi a is amministrazionis s'istrobbu chi totus is citadinus bivint dognia diri".
Dd'at a mancai ateru. Su razismu no tenit nudda de biri cun is iscrittus a su grupu. Po si ndi cumbinci bastat ligiri is cummentus de is 421 personas chi addirint a s'apellu. Su "sior" F.P. proponit de "disinfestai su campu cun su fogu!". "Miss" S.M. ispiegat "seu straca de ddu su biri donai infestu in is istradas, in is semàfurus, in is citadi mercaus, in is crésias... chi dd'at finant! No faint unu c...u imbrutant su logu e impestant s'aria". "Lord" C. M. narat "Gentixedda! Pudéscius e furonis! Mi faint schifu...". Nudda chi fazat pensai a su razzismu, duncas, perou sa Redazioni de IlMinuto imbitat su própriu is personas chi ligint su giornali a signalai su grupu a chini guidat su Social Network po "discursus razistas e chi incoragiant a s'ódiu".

PS
A pagus minutus de sa pubblicazioni de sa noa su grupu razista esti stetiu iscancellau o non si podit prus biri.
No tenendi prus is provas eus depiu iscancellai de s'artículu sa parti cun su nòmini de su giòvunu rapresentanti de sa destra chi iat addiriu a s'iniziativa.