Vinyls: 12 cuintalis tonelladas de cos''e papai de parti de is traballantis de su casufíziu de Tièsi. Mele: "Forma de agiudu autónoma tra traballantis"

(IlMinuto) – Casteddu, 23 de su mes''e fiàrgiu - 1000 pacus de pasta, 360 botus de cunserva, 210 litrus de lati, 240 pacus de zúcuru, 30 chilus de cafei, 120 pacus de casu tratau, unu pacu de casu "Brigante" e medas cosas de bufai. Funt 12 is "cuintalis de agiudu" chi, domìnigu a merì, unu gruppu de traballantis de su casufíziu de Tièsi ant donau a is operàjus de sa Vinyls chi su 7 de su mes''e gennargiu ocupant sa Turri Aragonesa de Pòrtu Turre po pediri sa torrada immediata de sa produzioni. "Torraus a bolli s'apartenenzia nostra a sa classi de is traballantis - at nau s'operàju de su casufíziu Enzo Mele, delegau de sa Cgil e militanti de su círculu Mejlogu de Rifondazione - po custu motivu cussu chi seus faendi no est nudda de istraordinàriu, ma est una forma de solidariedadi autónoma tra traballantis chi cumprendint is chistionis de is cumpàngius chi tenint apretu".