Vertenza Alcoa: prelongau a su 25 s'atóbiu cun su Guvernu. Apretu seguresa in Portovesmi

(IlMinuto) – Casteddu, 19 de su mes''e fiàrgiu - Un'ateru allonghiamentu de is tempus po sa vertenza Alcoa. Po mori de s'azienda, s'atóbiu in Palazzo Chigi cun su Guvernu, giai fissau po lùnis chi benit, esti stetiu ispostau po su 25 de su mes''e fiàrgiu a is 19.00. In su trastempus in is istabilimentus de Fusina e de Portovesmi - abarrendi a is impignus pigaus de sa multinazionali de s'allumíniu - iat depi sighiri comenti sempiri sa produzioni, ma in sa realidadi sa mancànzia de matérias primas (pixi e coke) at giai portau a sa firmada de su repartu "Mescola" in s'istabilimentu de su Surcis. "In Fusina - si podit liggiri in d'una nota sindacali - iat a depi essi cunfirmau s'arribbu de sa navi cun 3.500 tonelladas de allumina (...). In Portovesmi, in veci, is provistas funt finias e no si tenint scedas seguras de s'arribbu de s'allumina e nemmancu de su coke de sa pixi". A sa mancànzia de matérias primas s'aciungit s'apretu seguresa: ariseru s'isporteddu de unu carrellu at difatis strecau su brazu de un'operàju, dd'ant donau 25 diris de curas.