Universidadi de Aristanis. Pes (Pd): su Guvernu "si ndi sciacuat is manus"

(IlMinuto) – Casteddu, 22 de su mes''e fiàrgiu - "Assolutamenti negativu". Cun custus fueddus sa parlamentari sadra de su Partito Democratico, Caterina Pes, definit s'arrespusta de su sotosegretariu de s'Instruzioni, Giuseppe Pizza, a s'interrogazioni chi esti stetia fatta po is finanziamentus nezzessarius a fai sighiri is atividadis de s'Universidadi de Aristanis e in su specíficu po su cursu de laurea in "Archeologia subacquea". Segundu cantu narat Pes in su situ de su Pd sadru s'arrespusta de su Ministeru "est scuscenziada e no fait ateru chi rebbotijài sa responsabbilidadi de sa chistioni a is Universidadis de Tàtari e Casteddu, usendi s'arreghésciu de s'autonomia universitaria". "Est claru - spiegat s'esponenti democratica - ca si su dinai donau de su Guvernu nazionali po is universidadis de Casteddu e de Tàtari no bastat, sa sighida de su cursu de laurea iat essi guastada".