Tuvixeddu: su Consillu de Stadu blocat Coimpresa. Mannoni: serbius is sciameris de sa politica de tutela de su paesaggiu de sa Giunta Soru

(IlMinuto) - Casteddu, 10 de su mes''e fiàrgiu - Blocu nou po is progetus de Coimpresa chi interessant Tuvixeddu. In is diris passadas su Consillu de Stadu - cun d'una senténzia definitiva chi furriat cantu decídiu de su Tar - at acoltu su recursu de sa "Sovrintendenza per i Beni architettonici e paesaggistici": is decretus chi annullant is duus nullaosta fattus in su mes''e austu 2008 de su Comunu a su gruppu Cualbu funt bàlidus. De custu momentu dognia permissu nou po costruiri in su territoriu ocupau de sa necropoli "fenicio-punica" at essi giudicau cun is procedimentus de su "Codice Urbani". At essi duncas nezessariu su consillu de su "Ministero dei Beni culturali", de su cali dependit sa Sovrintendenza chi at blocau sa Coimpresa. "Funti stetius serbius cussus chi, finzas a ariseru, ant usau Tuvixeddu comenti mazucu contra a sa politica de tutela de su paesaggiu de su territoriu nostru - at scrittu s'ex assessori regionali Carlo Mannoni - portada ainnantis de sa Giunta Soru.