Tuvixeddu. Interrogazioni de su Pd po is permissus paesaggisticus

(IlMinuto) – Casteddu, 18 de su fiàrgiu - Su ministru de is "Beni culturali" Sandro Bondi sminciat is boxis sempiri prus rechintosas po sa cuncessioni de una pròroga de su "regime transitorio" in matéria de permissus paesaggisticus, cun sa torradura a su Comunu de Casteddu de sa cumpeténzia po is progetus de is domus de s'impresa Coimpresa. Est cantu pedint cun d'un'interrogazioni parlamentari (primu a firmai Guido Melis) otu deputaus sadrus de su PD. De su primu de su mes''e gennargiu 2010 is permissus in chistioni funt donaus de sa Regioni in basi a un'opinioni vincolanti de sa "Sovraintendenza per i Beni paesaggistici e architettonici". Una pròroga de su "regime transitorio", narant is esponentis democraticus in s'interrogazioni, iat essi "unu provvedimentu nazionali fattu po favorèssiri sa costruzioni de s'area de Tuvixeddu, cosa giudicada meda mala de totu su mundu de sa cultura".