Traballu. Alcoa: produzioni garantia po sesi mesis. Operàjus Vinyls ocupant su presoni de S'Asinàra

(IlMinuto) – Casteddu, 26 de su mes''e fiàrgiu - Unu pagu de suspiru po is traballantis de s'Alcoa. Sa prduzioni in is istabbilimentus de Portovesmi e Fusina at a sighiri assumancu po aterus sesi mesis finzas a candu no at a arribbai s'arrespusta de s'unioni Europea po is iscontus de aplicai a su préziu de s'energia eletrica.
Est cantu esti stetiu comunicau ariseru a sa fin''e de s'atóbiu  tra su Guvernu e sa multinazionali de Pittsburgh. Segundu Susanna Camusso, de sa segreteria confederali de sa Cgil, is impignus de s'azienda funt ancora iscassus. "Depit essi claru - at nau - ca sa produzioni de s'allumíniu depit abarrai in Italia".
In su trastempus sighit sa lota de is traballantis de sa Vinyls de Pòrtu Turre: ariseru 15 operàjus de s'azienda chímica ant ocupau, in nòmini de sa protesta insoru, unu corru de su presoni de S'Asinàra.