S'Istitutu Professionali Pertini arregordat su "Presidenti partigianu" a 20 annus de sa morti

(IlMinuto) – Casteddu, 23 de su mes''e fiàrgiu - Funt giai passaus 20 annus de sa morti de su Presidenti de sa Repubblica "prus amau de is italianus". In s'anniversàriu s'Istitutu professionali de Stadu Sandro Pertini de Casteddu at aprontau unu cunvegnu po arregodai su protagonista de sa Resisténzia e su politicu. In s'atóbiu (in programma cras a is 9.30 in s'Àula magna) at a fueddai Gianluca Scroccu de s'Universidadi de Casteddu, autori de su liburu "La passione di un socialista. Sandro Pertini e il Psi dalla Liberazione agli anni del centro-sinistra".