Rassigna "Articolo uno": in Casteddu tres documetarius po chistionai de sa cundizioni operàja tra is duas guerras

(IlMinuto) - Casteddu, 15 de su mes''e fiàrgiu - Sighit sa rassigna "Articolo uno. Lavoro: un secolo di passione". Custumerì in su Teatru Sant'Eulalia de Casteddu (20.30) ant essi fattus biri tres filmaus chi funt importantis po su documentariu soziali tra is duas guerras: "Borinage" (Belgiu, 1932), "Night mail" (Gran Bretagna, 1936) e "Spare time" (Gran Bretagna, 1938). s'ùrtimu de is tres documetarius (regia e iscritura de Humphrey Jennings) est ambientau in tres tra is prus importantis situs industrialis britannicus tra is duas guerras: Sheffield (aciàrxu), Manchester (cotoni) e Pontypridd (craboni). Su documentariu de Jennings, chi chistionat de is momentus de arreposu de is operàjus e de is famílias insoru, "fut criticau de sa crítica de sinistra - narat sa nota - comenti tropu masedu cun sa cundizioni de is operàjus in Gran Bretagna".