"Proibiu carcigai is diritus". Su primu de su mes''e marzu Tàtari cabat in prazza po nai no a su razzismu e a s'apatadi

(IlMinuto) – Casteddu, 25 de su mes''e fiàrgiu - Puru Tàtari narat no a su razzismu. Lùnis chi benit, primu diri de su mes''e marzu in sa cittadi s'at a tenni una manifestazioni cun corteu e sit-in finali in amigànzia cun sa "Journèe sans immigrès, 24 h sans nous" francesa.
"Una manifestazioni - ispiegant is aprontadoris - po nai no a is politicas razzistas de su guvernu e a chini, puru cun s'apatadi, dda sa mandat ainnantis. Unu corteu po nai no a is malladas razzistas chi funt atachendi sa soziedadi nostra e a sa lota bófia a sa marolla de custu modellu de isvilupu". Sa manifestazioni at a cumenzai de is 17.00 in prazza Sant'Antonio e s'at a concluiri in prazza d'Italia cun s'ispettaculu "Strani frutti. Storie a fior di pelle". S'eventu esti stetiu aprontau de associazionis culturalis, organizzazionis de volontariau e politicas "de gent''e su logu e de is stràngius chi s'agatant in cittadi".