Piàghe arregodat Ilieschi cun su primu "Cuncursu regionali de poesia satirica"

(IlMinuto) – Casteddu, 23 de su mes''e fiàrgiu - Onorai e arregodai Larentu Ilieschi. Cun custu proponimentu s'aministrazioni comunali de Piàghe at creau su primu "Cuncursu de poesia satirica", dedicau a un'autori chi est diventau unu fundamentu in su panorama de sa literadura de s'Isola. "Su Prémiu - si podit liggiri in d'una nota - s'insertat aintru de unu vàriu e arricu impreu de su Comunu e de su "Comitato per il Canto sardo", chi promovit sa literadura, su cantu e is tradizionis popolaris de sa Sardigna, faendi resartai una faci pagu connota de s'ànimu de is sadrus, cussu ironicu-satiricu". Su cuncursu, obertu a totus is puetas in calisisiat varianti de su sadru, est aprontau in duas sezionis: A (autoris) e B (alunnus de s'iscola de s'óbbrigu). Is òperas depint arribbai in s'amministrazioni comunali de Piàghe intru su 31 de su mes''e marzu.

Po consultai su bandu: www.comune.ploaghe.ss.it