"Pasticceri": Abbiati e Capuano interprentant Cyrano de Bergerac

(IlMinuto) – Casteddu, 17 de su mes''e fiàrgiu - segundu apuntamentu cun sa rassigna "Invito a Teatro 2010"  de su "Teatro Stabile della Sardegna". De gióbia 18 de su mes''e fiàrgiu finzas a domìnigu 21 de su mes''e fiàrgiu, in su palcu de su teatru Alfieri de Casteddu ant a arziai Roberto Abbiati e Leonardo Capuano cun s'ispettaculu “Pasticceri – Io e mio fratello Roberto”: unu beru laboratoriu de dilízias aundi, tra cremas e drucis, is protagonistas ant a contai sa versioni insoru de su Cyrano de Bergerac. "Tra zúcuru in pruini e comicidadi - si podit liggiri in d'una nota - duus autoris-atoris chi ant fattu caminus difarentis si funt connotus e ant creau un'ispettaculu 'meda durci e giniali', aundi est proibiu abarrai sérius".