Parcheggius. Angius (Psdaz): "In Cuartu Sant'Alèni in perígulu su traballu de is operadoris"

(IlMinuto) – Casteddu, 22 de su mes''e fiàrgiu - "Sa delíbbera de sa Giunta comunali (n. 13 de su 4 de su mes''e fiàrgiu), chi chistionat de su cambiamentu de su pianu de gestioni de is ispazius de firmada a pagamentu, chi previdit su diminuimentu de is logus po parchiggiai in calincuna zona de sa cittadi e su diminuimentu de sa fàscia oraria in ateras, iat a podi creai un'abbundànscia de operadoris, sa cusseguénzia at essi cussa de ndi liai postus de traballu". Est cantu narat sa consillera comunali sardista Federica Angius chi pedit a su Síndigu su bloccu immediatu de s'atu e s'obertura de un'atóbiu de cunfrontu cun is operadoris e is sindacaus. In su mes''e gennargiu de su 2010 Federica Angius at lassau du Partidu socialista po addilliri a su Psdaz. In su mes''e gennargiu de su 2009 sa consillera (e vicepresidenti de s'àula de via Porcu) iat in veci lassau su Pd po addilliri a sa formazioni socialista.
Po cantu s'acuntessit - precisat - eus a agiudai is abbisóngius de is traballantis po garantiri su diritu a su traballu".