"Non dimeticare Valery Melis": sàbudu in Cuartu Sant'Alèni un'atóbiu po chistionai de is efetus de s'uraniu "impoverito"

(IlMinuto) – Casteddu, 12 de su mes''e fiàrgiu - Funt passaus sesi annus de sa morti de Valery Melis: su militari sadru mortu su 4 de su mes''e fiàrgiu de su 2004 po mori de unu linfoma de Hodgkin pigau a pustis de essi torrau de sa missioni fatta foras de stadu. Po no scarèsciri Melis, e cun issu totus cussus, militaris e civilis, chi ant perdiu sa vida o chi funt arrimaus po mori de s'uraniu "impoverito", sàbudu in Cuartu Sant'Alèni (17.00, saba Michelangelo Pira) s'at a tenni sa presentazioni de su liburu de Eugenio Campus "Il pettine senza denti": romanzu de inchiesta e de dinúnzia soziali chi contat cussu chi si fait in su Poligonu interforze de su Salto de Quirra. In s'atóbiu ddoi ant essi: s'autori, su babbu e sa mamma de Valery Melis, sa consillera regionali de is Rossomori Claudia Zuncheddu, Mariella Cao de su "Comitato Gettiamo le basi" e Luigi Spano de su Comipa.