Lei 162/1998: su Consillu bullat sa mozioni Espa (Pd) e cunfirmat is tàglius a is pianus "ad personam"

(IlMinuto) – Casteddu, 2 de su mes''e fiàrgiu - Is tàglius a is pianus de assistu "ad personam" previdius de sa lei 162 de su 1998 funt cunfirmaus. Su Consillu regionali at arrefudau (cun 23 votus a favori, 26 contràrius e 10 rinunzias a su votu) sa mozioni presentada de su rappresentanti de su Partito Democratico, Marco Espa, chi pediat de annullai is tàglius e de insertai dognia pianu cun milla eurus. "Oi sa mazorànzia at perdiu un'ocasioni manna", at commentau s'esponenti Pd in Facebook a pustis de sa bulladura de su Consillu. "Eus portau in àula - iat nau Espa in s'interventu chi s'est tentu primu de su votu - su tema de is tàglius fattus a is progetus "ad personam" po chini tenit handicap grais. Cussu chi dimandaus est meda simpli: torraus a donai is milla eurus a is pianus "ad personam", is milla eurus chi funti stetius liaus a dognia sadru.