"Karrasegare osinku" 2010: in Bosa totus a cassa de su "Giolzi Moro"

(IlMinuto) – Casteddu, 8 de su mes''e fiàrgiu - Est arricu de apuntamentus su Carnovali 2010 de Bosa, "su Karrasegare osinku". Su programma - cumenzau gióbia passau cun s'isfilada in màscara po is vias de sa bidda - at a sighiri finzas a su 20 de su mes''e fiàrgiu cun d'unu cunvegnu aprontau po arregordai su pintori Antonio Atza, chi s'at a tenni in su teatru comunali de sa cittadi. Su momentu massimu de s'afestu de su "Karrasegare osinku" s'at a tenni puru ocannu in sa diri de su martis de coa (15 de su mes''e fiàrgiu). A partiri de is 18.00 is busincus bistius de biancu - cun d'una coscinera comenti cuguddu e unu lenzoru comenti manteddu - ant a bandai a cassa de "Giolzi Moro". A pustis de ddai cassau, Giolzi at essi abbruxau in prazza IV Novembre.