Isciòpiru generali. S'adisioni critica de su Cps de Aristanis: "Is politicas sindacalis ant agiudau a destruiri is dirittus de is traballantis"

(IlMinuto) – Casteddu, 3 de su mes''e fiàrgiu - "Creai unu cordoni unicu e cumpatu tra is traballantis". Cun cust'obbiettivu su "Coordinamento precari della Scuola" de Aristanis adirit, nonostanti is criticas a is politicas sindacalis, a s'isciòpiru generali de su 5 de su mes''e fiàrgiu. "Calincuna de is politicas sindacalis po s'instruzioni - si podit liggiri in d'una nota - ant agiudau su sciàsciu de is dirittus de is traballantis e ant agiudau puru su rexinamentu de su traballu precariu e 'flessibile'".