Isciòpiru generali: cordoni indipendentista e anticolonialista de A Manca e Sardigna Natzione

(IlMinuto) – Casteddu, 3 de su mes''e fiàrgiu - "Contra a su colonialismu po sa soverania". At essi custu su slogan de su cordoni anticolonialista chi at a animai su corteu de su 5 de su mes''e fiàrgiu in Casteddu. A sa proposta fatta de A Manca pro s'Indipendentzia a totus is organizzazionis indipendentistas e anticolonialistas at adiriu Sardigna Natzione Indipendentzia. "S'unica istrada po firmai sa serradura de is fàbbricas - si podit liggiri in d'unu documentu fattu connosci de A Manca - est sa lota anticolonialista guidada de is traballantis sadrus unius". Acitotu est s'analisi fatta de su cordinadori de Sni. "Sa nazioni sadra - scririt Bustianu Cumpostu - depit lotai cumpata. Custa crisi de su traballu, custa crisi produtiva est sa crisi de totus. Comenti in ateras ocasionis si seus intendius 'totus pastoris' oi s'intendeus 'totus operàjus'"