Indipendentistas divídius po is provinzialis de su mes''e maju. Irs: "Nesciuna alleànzia. In is istituzionis cun is forzas nostras"

(IlMinuto) – Casteddu, 17 de su mes''e fiàrgiu - Is forzas indipendentistas s'ant a presentai divídias po is elezionis amministrativas de su mes''e maju. S'Irs at difatis arrefudau sa proposta de alleànzia eletorali fatta de su cordinadori nazionali de Sardigna Natzione Indipendentzia Bustianu Cumpostu. Su movimentu "s'at a presentai - si podit liggiri in sa nota de s'Esecutivu nazionali Irs - cun is próprius candidaus presidentis e is próprias listas in totus is provìnzias po is elezionis 2010". "Su sceberu de arrefudai calisisiat tipu de alleànzia - narat su documentu - est donau de su penzu de Irs de podi intrai cun is próprius peis e is próprias forzas aintru de is istutizionis sadras, e de sa certesa ca custa libbertadi de progetu e de azioni siat sa mellus garanzia po totus cussus chi bollint una politica noa fatta de una classi dirigenti noa. A cunfirma de custu nostru sceberu ddoi est su crescimentu ca su movimentu est bivendi de is ùltimas elezionis sadras finzas a oi".