"Gara poetica pro diletantes": in Nurachi cuncursu po is talentus nous de su Logudòro

(IlMinuto) – Casteddu, 9 de su mes''e fiàrgiu - Est arribbau a sa V edizioni su "Cuncursu de sa gara poetica pro diletantes" de Nurachi. S'iniziativa, aprontada de sa Pro loco e de s'amministrazioni comunali de sa bidda in provìnzia de Aristanis, est - si podit liggiri in d'una nota - "rivolgia a is cantadores diletantis, funt preferius is cantadores giòvanus po favorèssiri sa pràtiga de sa gara poetica logudoresa e sa scoberta e s'aumentu de is talentus nous". Sa fórmula usada de is aprontadoris est cussa de su cuncursu a esclusioni. Sa gara s'at a tenni de cida in cida, sa primu gara at essi su 28 de su mes''e fiàrgiu e s'ùltima, cussa de sa finali, su 28 de su mes''e marzu. Su cuncursu at essi inaugurau su 21 de su mes''e fiàrgiu cun s'esibizioni de is poetas professionistas Giovanni Antonio Carta e Giuseppe Porcu. Totus is seradas s'ant a tenni in su Centru soziali polivalenti de Nurachi.