Elezionis. Centrusinistra: unioni cumpatta (de s'Upc a sa Federazioni de sa Sinistra) in totus is provìnzias

(IlMinuto) - Casteddu, 9 de su mes''e fiàrgiu - In is elezionis amministrativas de su mes''e maju su centrusinistra s'at a presentai uniu in totus is otu provìnzias. Est cantu previdit s'acórdiu fattu de su Pd, de s'Idv, de sa "Federazione della Sinistra", de "Sinistra ecologia e libertà", de s'"Unione popolare cristiana", de su "Partidu socialista" e de is "Verdi" in su cursu de s'atóbiu de ariseru in sa sedi democratica de via Emilia, in Casteddu. Sa coalizioni giudicat cun gravidadi cantu fattu de sa Giunta regionali. "Est gravi - si podit liggiri - sa lentesa e sa mancànzia de azionis de parti de su presidenti Cappellacci a pustis de su signali forti donau cun s'isciòpiru generali".