Cuncursu literàriu in lingua sadra de su comunu de Scalepranu: Casula e Carta Broccia is bincidoris

(IlMinuto) - Casteddu, 25 de su mes''e fiàrgiu - Funt "Pro s'amore meu" de Carla Casula - sa primu classificada in sa sezioni poesia - e "Mannoi Corrias e sa pudda bianca" de Gonario Carta Broccia - bincidori in sa sezioni prosa - is òperas chi ant binciu sa terza edizioni de su concursu literàriu in língua sadra "Escalaplano e la poesia. Poetendi e contendi Scalepranu in poesia". Sa premiazioni s'at a tenni sàbudu chi benit a is 16.00 in sa saba de su consillu de su comunu in provìnzia de Casteddu. Is bincidoris ant essi premiaus de su presidenti de sa Giuria Francesco Casula.