Concertus: in Casteddu su rock in língua corsa de is Altru Latu

(IlMinuto) – Casteddu, 23 de su mes''e fiàrgiu - Su rock de sa Corsica arribbat in Sardigna. Domìnigu 28 de su mes''e fiàrgiu is Altru Latu de Bastia presentant in su palcu de su Ridotto de su Teatru Massimo (21.00), in Casteddu, is branus de is album "Cattivu Sonniu" (2001), "Com un om" (2005) e de su discu nou "L'altra strada", chi at essi pubblicau tra no meda tempus. Sa band, formada de Laurent Bellini a sa boxi, de Bernard Ferrari a sa ghitarra, de Mickael Pelissier a bassu e de Ange Bianchini a sa bateria, tenit apabas un'esperiénzia de concertus meda manna. S'apuntamentu est aprontau de s'associazioni culturali Essencesound, meda atenta a sa música medideterranea. Is billetus podint essi pigaus in su Box Office de viale Regina Margherita.

Po ndi sciri de prus e po ascurtai calincunu branu: www.altru-latu.org