Comitadu pro Sa Limba Sarda: "Comenti in ateras regionis europeas sa Crésia riconoscat diaderus s'esisténzia de sa língua nostra"

(IlMinuto) – Casteddu, 18 de su mes''e fiàrgiu - "Sa Crésia sadra no fazzat mancai su própriu importanti contibbutu in su processu de rinascida de sa língua e valutit assumancu s'oportunidadi de ricònosciri, partendi de su própriu Sinodu, s'esisténzia de sa língua sadra". Est custu s'apellu chi su Comitadu pro Sa Limba Sarda fait a sa Crésia Cattolica de sa Sardigna e chi fait connosci cun d'unu comunicau. "Est cun meda addoloramentu - si podit liggiri in d'una nota - ca su Comitadu s'acatat comenti in su documentu de su Sinodu diocesanu de Casteddu s'unicu cinnu a su forti acàpiu tra is sadrus e sa própriu língua s'agatit in is fueddus de Joseph Ratzinger". "In is ateras regionis europeas - precisat sa nota -, logus de minorànzias linguisticas, sa Crésia tenit arrespetu po is línguas impiegadas de custus populus po fueddai cun Deus. Un'arrespetu ca no est formali (...) ma est esprimiu
diaderus atressu s'usu insoru".