Cgil, Cisl e Uil bullant s'assessori Liori a pustis de s'atóbiu de oi. Pianus 'ad personam' . "No est possíbbili liai dinai"

(IlMinuto) – Casteddu, 22 de su mes''e fiàrgiu - "No est possíbbili liai dinai. Si calencuna cosa in s'apricu de sa lei 162 de su 1998 est andada trota no dda depint pagai is prus débbilis, comenti est suzedendi" Est cantu afirmant cun d'una nota Cgil, Cisl e Ui a sa fin''e un'atóbiu cun s'assessori regionali de sa "Sanità" Antonello Liori. Atóbiu fattu po chistionai de su dinai chi esti stetiu liau de sa Giunta regionali a is pianus de assistu po is personas cun handicap gravis (milla eurus de mancu po dognia progetu aprovau). "Is chistionis de Liori no soddisfant po nudda is ispérius nostrus - precisant is sindacaus -, su puntu no est discútiri de comenti fai a dividíri su dinai scassu, ma est agatai su dinai po garantiri un'arrespusta giusta po totus is dimandas".
"A s'assessori - concluint is sindacaus cunfederalis - pedeus de torrai a cualificai s'ispesa soziali e sanitaria senz''e si scarescit de is diritus indispensàbbilis de is cittadinus. S'abetaus ca in is prossimas diris si bengat mandada una proposta chi chistionit de custa cosa meda importanti e, prus in generali, pedeus unu cunfrontu chi no siat casuali".