Casula (Sel): "Campusantu de San Pietro unu pagu abbandonau"

(IlMinuto) – Casteddu, 24 de su mes''e fiàrgiu - "Su campusantu de San Pietro in Aristanis est "treulau e in calincunu àngulu est casi totucantu abbandonau". Est cantu dinunziat cun d'una nota sa cordinadora provinziali de Sinistra Ecologia e Libertà Eleonora Casula. "Su 25 de su mes''e passau, in sa diri de Paschixedda - precisat Casula - in d'un'arrenconi de su campusantu fadiant mostra de cussus 'e totu is pòberus arrestus de calincunu, abbandonaus, o mellus ancora scarescius de chini fait is traballus in mesu a su ludu e a sa terra abetendi forsis una sepurtura fatanti". S'esponenti de su movimentu de Nichi Vendola trassat unu contestu fattu de "froris sicus, arrestus de curonas", de tumbas "carrigas de coraxedu, de muntonis de pedra e de materiali ediliziu".
"Est seguru - concluit sa cordinadora provinziali de Sel - ca su stadu de estremu abbandonu no s'inbrassat po nudda beni cun is fueddus arribbaus de totu su mundu politicu (e no) aristanesu, candu unu mesi fait si cantàt s'importànzia de unu logu de cultu colletivu, candu si fueddàt de s'onori comunu de totus is presoneris de una comunidadi".